WANAFUNZI WA CHUO CHA UANDISHI WA HABARI NA UTANGAZAJI ARUSHA WAKIFANYA USAFI KATIKA SOKO LA MBAUDA JIJINI HAPO.

Wanafunzi wa chuo cha uandishi wa habari na utangazaji Arusha wakizoa uchafu baada ya kufagia soko la Mbauda jijini Arusha mapema jana.[Picha na Rehema Mbowe].

Habari na Rehema Mbowe.

Wanafunzi wa chuo cha uandishi wa habari na utangazaji Arusha [AJTC] wamejumuika kwa pamoja kufanya usafi katika soko la mbauda jijini Arusha.

Zoezi hilo lilifanyika mapema jana na wanafunzi katika ngazi ya stashahada [Ruaha na Tarangire] ikiwa ni sehemu ya mafunzo yao pia kutimiza wajibu wao katika jamii.

Aidha mmoja wa wanafunzi hao kutoka darasa la Tarangire Sinyata Kilusu amesema wao ni ni waandiashi wa habari hivyo wanapaswa kua mfano mzuri kwa jamii kwa kufanya shughuli mbali mbali za kijamii.

“Sisi waandishi wa habari ni vioo vya jamii hivyo hatuna budi kutoa ushirikiano na mchango wetu wa hali na mali kwenye mambo mbali mbali katika jamii” akisema Sinyati.

Hata hivyo afisa afya wa kata ya Sombetini Bi Beatha Gitagno alihitimisha kwa kutoa shukrani za dhati kwa wanafunzi na uongozi wa AJTC kwa umoja na ushirikiano wao katika kufanya usafi sokoni hapo.