JAMII IMEASWA KUFANYA USAFI WA MAZINGIRA ILI KUEPUKA MAGONJWA NYEMELEZI

na Esther Danford, ruaha media.
Arusha

    wanafunzi wa chuo cha uandishi wa habari na utangazaji Arusha wakifanya usafi      katika soko la mbauda jijini Arusha, picha na Esther Danford.

Jamii imeaswa kuwa mfano wa kujitolea kufanya usafi katika maeneo mbali mbali yanayo wazunguka katika makazi yao yakiwamo hospitali,sokoni na vituo vya mabasi

Hayo yamesemwa na Bi Atha Beatha ambaye ni  afisa ugani wa Afya wa kata ya sombetini mjini Arusha leo wakati akiongea na wanafunzi wa Chuo cha Uandishi wa habari na Utangazaji Arusha (AJTC) mara tuu baada yakumaliza zoezi lakufanya usafi katika soko la Mbauda.

 Bi, Beatha amesema kuwa ni vizuri jamii ikajifunza kufanya usafi katika sehemu mbalimbali zinazowazunguka ili kujikinga na magonjwa nyemelezi yasababishwayo na uchafu yakiwepo homa za matumbo,kipindupindu, nahata malaria.

Aidha Bi Beatha amezitaka taasisi mbalimbali kuiga mfano wakufanya kazi za kijamii   kama walivyofanya wanafunzi wa Chuo cha Uandishi wa Habari na Utangazaji Arusha kwani zipo changamoto nyingi zinazowakabili makundi tofauti ndani ya jamii.

Hatahivyo baadhi ya wafanyabiashara wa soko la mbauda wamekipongeza chuo hicho kwa kazi yao nzuri na kuahidi kuendeleza kuweka soko hilo katika hali ya usafi na siyo hadi kusubiri taasisi mbalimbali zinazojitolea.

Nae mfanyabiashara mmoja aliyejitambulisha kwa jina la Juma Selemani maesema kuwa zipo changamoto mbalimbali zinazowakabili katika kuweka mazingira ya soko hilo katika hali ya usafi ikiwemo kutokuwepo kwa mifereji yakusafirisha maji taka pamoja na wamiliki wa majumba yaliyopo sokoni hapo kutiririsha maji machafu sokoni hapo.

Chuo cha Uandishi wa Habari na Utangazaji Arusha kimekuwa na desturi yakufanya kazi za kijamii sehemu mbalimbali zikiwepo  kufanya usafi katika maeneo tofautitofauti hapa mjini Arusha, Kutoa misaada mbalimbali kwa wasiojiweza wakiwepo watoto yatima.